Inbrekers met gholfklere betrap

MOKOPANE - Drie inbrekers wat die Potgietersrus buiteklub se gholfwinkel in Januarie besteel het, is hierdie week danksy goeie polsiewerk vasgetrek en meer as die helfte van die gesteelde goedere is teruggekry.
TJ Bekker, die eienaar van die winkel sê hy het Dinsdagoggend van die 17de Januarie by die werk opgedaag en die deur en veligheidshek wawyd oop aangetref. Die inbrekers het gholfkepse, hanskoene, skoene, horlosies, hemde, broeke, kouse, sonbrille, sonskerm en baadjies gebuit. “Meer as R70 000 se voorraad is gesteel,” vertel Bekker.
Hy sê hy is verbaas en beindruk met die polisie se taakspan wat hierdie inbrekers opgespoor het. Daar was bitter min om mee te werk op die toneel. Die inbrekers het geen vingerafdrukke of DNA agter gelaat nie.
Maar die polisie se ondersoek het hulle na Phola Park naby Mokopane gelei waar hulle drie verdagtes met van die gesteelde goedere betrap het. Verdere ondersoek het die polisie na Hillbrow in Johannesburg gelei waar hulle nog van die gholf winkel se voorraad gekry het.
Mokopane Stasiebevelvoerder Kol. Lukas Mogwaneng het die taakspan geprys vir hul goeie werk en beloof dat hy nie sal rus tot die polisie die laaste krimineel wat die dorp terroriseer vasgetrek het nie.
Die verdagtes tussen die ouderdomme van 25 en 33 verskyn binnekort weer in die Mokopane Landdroshof.
Intussen sê TJ die herwinde goedere is in ongebruikte toestand maar uit hul verpakkings verwyders, waarskynlik om maklkiker deur die inbrekers weggerda te word. Dit sal teen halfprys by die gholf winkel te koop wees.