Loop van Hoop

Vir hulle wat met kanker saamleef en diegene wat al die stryd teen kanker geveg en gewen het was die Survivors Ete ‘n spesiale geleentheid om die aand af te skop. Hulle kon hul ‘Survivor’ skouerbande met trots dra toe hulle na afloop van die ete die voortou met die Groot Loop geneem het.
Die lopery was soos gewoonlik een groot geselligheid, met maatskappye en instansies wat ruim bygedra en deelgeneem het. Een van die hoogtepunte was die Healthzone spinathon. Hulle het altesaam R18 437 ingesamel. Nege besighede het elk ‘n fiets geborg en vir elke minuut wat iemand getrap het R5 geskenk. Die besighede was EL Auto, Gilbertson, Torga Optical, Ismael’s Hardeware, MGM Landrover, Ipex Petroleum, Talisman Tool Hire, Nieu-Metro en Furn 4 U. Teen Saterdagoggend was die dorp se vasbyters stokflou, maar hulle kon met trots sê dat hulle die stryd teen kanker end-uit ondersteun het. Altesaam 132 spanne het hierdie jaar aan die Loop van Hoop deelgeneem.